“தமிழர் வரலாறு”

 

“தமிழர் வரலாறு”

பல்லவி

தமிழர்கள் வரலாறு என்பது

உலகின் மனிதகுல வரலாறு

காலம் கடந்தும் ஒலிக்கும்

பாரம்பரியத்தின் பெரும் சத்தம்.

சரணம் 1

கடல் கடந்தும் சென்றோம் நாங்கள்

காற்றின் திசையை யறிந்து  - பாரதி

ஓதிய சென்றிடுவீர் எட்டு திக்கும்  

உலகம் முழுதும் பரவினோம்.

 

பாலைவனம் முதல் பனித்தேசம் வரை

பாதம் பதித்தோம் நாங்கள்

பழமையும் புதுமையும் சேர்த்து

புதிய உலகம் கட்டினோம்.

சரணம் 2

கடலோடிய செம்மல்களின் குருதி  

நம் நரம்பில் ஓடுகிறது – கலை

பண்பாடு தீபம் மறவாது ஏந்தி

காலனித்துவ இருள் கடந்தோம்.

 

எங்கு சென்றாலும் தமிழின் நாதம்

மனதில் ஒலிக்கிறது – இவ்வுலகில்

மண்ணின் வாசம் மறக்காத

மக்கள் நாம் — உலகின் இதயம்.

சரணம் 3

அறிவின் விதை நட்ட முன்னோர்

அறுப்பத்து நான்கு கலைகள் உள்ளிட்ட  

அறிவியல், இலக்கியம், இசை

அனைத்திலும் நம் கையொப்பம்.

 

உலகம் இன்று பேசும் மொழியில்

தமிழின் தடம் தெரிகிறது வேர்ச்சொல்லாக!

மனித குலம் வளர்ந்த பாதை

தமிழர் வரலாறே வழிகாட்டி.

முடிவு

தமிழர்கள் வரலாறு என்பது

உலகின் மனிதகுல வரலாறு

நம் பயணம் தொடரும் வரை

இந்தப் பாடல் ஒலித்துக்கொண்டே இருக்கும்.